Dathlu 15 mlynedd o lwyddiant: Neges gan Nicola Thornton-Scott

Roedd #GwobrauSAW2024 eleni yn achlysur gwirioneddol arbennig gan ei fod yn nodi carreg filltir bwysig—15 mlynedd o Academi Sgiliau Cymru. Gan fyfyrio ar y daith hon, rhannodd y Pennaeth Cynorthwyol Nicola Thornton-Scott ei barn ar y noson, cyflawniadau ein dysgwyr, a dyfodol prentisiaethau yng Nghymru.

Yn ei hanerchiad, tynnodd Nicola sylw at y cynnydd anhygoel a wnaed ers sefydlu’r bartneriaeth. Dros y 15 mlynedd diwethaf, mae Academi Sgiliau Cymru wedi cefnogi miloedd o ddysgwyr, cyflogwyr ac ymarferwyr, gan eu helpu i gyflawni eu nodau a chyfrannu at dwf economi Cymru.

Roedd y noson yn arddangos cyflawniadau dysgwyr sydd wedi rhagori yn eu meysydd, cyflogwyr sydd wedi dangos cefnogaeth ddiwyro i brentisiaethau, ac ymarferwyr sydd wedi mynd yr ail filltir i ysbrydoli ac arwain eraill.

Manteisiodd Nicola ar y cyfle hefyd i ddiolch i’r partneriaid, yr isgontractwyr a’r rhanddeiliaid sydd wedi chwarae rhan hollbwysig yn llwyddiant Academi Sgiliau Cymru dros y blynyddoedd.