.png)
Rydym wrth ein boddau i gyflwyno dau Lysgennad newydd y Coleg Cymraeg Cenedlaethol, sy’n frwd dros hyrwyddo’r Gymraeg ac amlygu ei phwysigrwydd yn y gweithle a thu hwnt.
"Rwy'n gweithio i 'Accomplish' yng Nghaerdydd sy'n darparu Byw â chymorth i'n defnyddwyr gwasanaeth.
Rwyf wedi cwblhau rhai elfennau o fy mhrentisiaeth trwy gyfrwng y Gymraeg.
Rwy'n credu bod y Gymraeg yn fantais fawr i mi yn y gwaith oherwydd rwy'n gallu siarad â defnyddwyr gwasanaeth yn y naill iaith neu'r llall.
Rwy'n gobeithio y bydd fy sgiliau Cymraeg o fudd i mi yn fy swydd yn y dyfodol."
"Rwy'n gweithio ym Meithrinfa Ddydd Cylch Meithrin Waunceirch.
Mae gallu siarad Cymraeg yn fantais enfawr yn y gwaith ac rwy'n defnyddio fy sgiliau dwyieithog bob dydd gyda phlant a rhieni.
Rwy'n falch iawn fy mod yn gallu siarad Cymraeg ac rwy'n gobeithio y bydd y sgiliau hyn o fudd i mi yn fy swydd yn y dyfodol."
Mae’r Gymraeg yn drysor sy’n perthyn i bawb yng Nghymru—waeth p'un a ydych yn rhugl neu ond yn dechrau ar eich taith. Mae siarad Cymraeg a Saesneg nid yn unig yn eich cysylltu â dau ddiwylliant bywiog, mae hefyd yn datgloi cyfleoedd gyrfa cyffrous, yn gwella cysylltiadau cymdeithasol, ac yn cryfhau cymunedau.
Mae ein llysgenhadon yma i ysbrydoli ac annog eraill i gynnal a gwella eu sgiliau Cymraeg. P’un a ydych yn defnyddio’r iaith yn y gweithle neu’n cwblhau rhywfaint neu’r cyfan o’ch prentisiaeth drwy gyfrwng y Gymraeg, mae ganddi le gwerthfawr.
Trwy eu storïau a'u mewnwelediad, byddant yn dangos sut y gall cofleidio'r Gymraeg greu posibiliadau newydd, dathlu ein treftadaeth gyffredin, ac yn tynnu sylw at fanteision dwyieithrwydd mewn bywyd personol a phroffesiynol.
Os oes gennych ddiddordeb mewn dysgu Cymraeg, ewch i Learnwelsh.cymru
Comments